唔知幾時答應過小小豬會帶佢去AIA嘉年華玩，經佢一氹再氹嘅情況下，終於愛豬號DADDY忍受唔住佢嘅音波攻，所以就帶左佢嚟玩一轉，等DADDY嚟燒錢吧(單計我地玩遊戲就唱左70個代幣)！
小小豬主要都係嚟玩機動遊戲，大部分遊戲夠120cm就唔洗成人陪同，所以啲遊戲都係佢自己去玩嘅。不過…佢話依家大個仔，要挑戰自己膽量，所以就玩左幾個要家長陪玩遊戲。要陪玩感覺上係有點赤，不過見隻豬肯挑戰一下，都係值得嘅。
當然唔少得玩攤位遊戲，我地依啲無運又無技巧嘅黑仔王其實都唔預有咩收獲，所以都已經係揀啲比較易贏公仔嘅位。最後只係玩釣魚遊戲同埋踢足球先有兩份禮物，小小豬仲話有兩份收獲已經係好好，最重要係玩嘅過程好開心哦(幾時學識咁阿Q嘅..哈哈哈)。
另外，見依家買一送一嘅優惠(優惠好似去到24/1)，所以就去左睇歐陸雜技團，小小豬睇到呆晒，成日問我點解嘅？好利害呀！會唔會有危險呀？當然…依個時候又俾媽咪我入位回答佢「熟能生巧呀…只要專心認真咁努力練習，同組員一齊合作，咁就凡事都可以有可能啦」
????小小豬Kinsey????
? Blogger：http://www.kinseymama.com/
? FB page：https://www.facebook.com/kinseymama/
? IG：https://www.instagram.com/kinsey_mama/
? YouTube：http://www.youtube.com/c/小小豬Kinsey
